Një nga projektet e para në Kosovë për të promovuar dhe zbatuar praktikisht ndarjen e mbeturinave në burim. Për këtë qëllim, u vendosën mekanizma të ndarjes së mbeturinave, duke ofruar kontejnerë dhe shtypës për shishe dhe kanaçe në të gjitha objektet publike dhe shkollat e Komunës së Pejës.
Përveç kësaj, organizata zhvilloi sesione trajnimi dhe programe vetëdijesuese për nxënësit dhe stafin komunal, për të promovuar praktika efektive të menaxhimit të mbeturinave dhe për të nxitur një kulturë të përgjegjësisë mjedisore. Organizata gjithashtu ka inicuar dhe lehtësuar procesin e hartimit dhe miratimit të Planit Komunal të Menaxhimit të Mbeturinave dhe Rregullores së Menaxhimit të Mbeturinave.
