Vendosja e dialogut ndëretnik mjedisor dhe sigurimi i përfshirjes së komunitetit joshumicë serb në shërbimet publike të menaxhimit të mbeturinave të ofruara nga Komuna e Istogut.
Kjo nismë synonte të promovonte kohezionin social dhe përgjegjshmërinë mjedisore duke nxitur bashkëpunimin ndërmjet komuniteteve etnike, duke përmirësuar praktikat e menaxhimit të mbeturinave dhe duke siguruar qasje të barabartë në shërbimet komunale për të gjithë banorët.
Promovoi parimet e Ripërdorimit, Reduktimit, Ridizajnimit, Riciklimit dhe Ripurpozimit të mbeturinave tekstile, ndërsa integroi konceptet e Ekonomisë Qarkore dhe Sipërmarrjes Sociale. Projekti mbështeti nxënësit nga Shkolla e Mesme e Artit në krijimin e dy koleksioneve të qëndrueshme të modës duke përdorur mbeturinat tekstile, duke nxitur inovacionin në modën miqësore me mjedisin dhe duke rritur vetëdijesimin për praktikat e qëndrueshme në industrinë e tekstileve. Për më tepër, ai themeloi një sistem të mbledhjes së mbeturinave tekstile, një dyqan të përdorura (thrift shop) dhe një fabrikë riciklimi, duke pilotuar prodhimin e pllakave kompozite tekstile. Projekti është bërë vetë-qëndrueshëm dhe vazhdon të operojë me sukses.
Promovimi i praktikave të Ekonomisë Qarkore, veçanërisht brenda industrisë së tekstileve, duke inkurajuar miratimin e parimeve qarkore të fokusuara në reduktimin e mbeturinave nëpërmjet riciklimit dhe ripërdorimit të materialeve, në ndryshim nga modeli tradicional linear “merr-bëj-hidh”. Si pjesë e projektit, u krijua një platformë online e Ekonomisë Qarkore re-ko.org, së bashku me hulumtimin që vlerëson praktikat e menaxhimit të mbeturinave në sektorin e tekstileve. Nisma gjithashtu përfshiu krijimin e koleksioneve të qëndrueshme të modës, organizimin e Panairit të Ekonomisë Qarkore të Ballkanit Perëndimor, dhe një fushatë vetëdijesuese që përfshinte e-newsletter, podcast, praktika më të mira, histori suksesi dhe video të shkurtra për të promovuar konceptet e ekonomisë qarkore. Projekti po ndërton kapacitetet e industrisë së tekstileve në menaxhimin e mbeturinave dhe aplikimin e parimeve të qarkullimit.
Projekti synon të rrisë vetëdijesimin dhe të fuqizojë të rinjtë dhe sipërmarrëset gra në Komunën e Gjakovës në lidhje me zhvillimin e qëndrueshëm, ekonominë qarkore dhe mbrojtjen e mjedisit. Duke ofruar punëtori të ndërtimit të kapaciteteve, mundësi konkrete ekonomike dhe duke nxitur pjesëmarrjen aktive qytetare në praktikat e qëndrueshme, nisma drejtpërdrejt nxit inovacionin lokal dhe rrit mirëqenien e përgjithshme socio-ekonomike të komunitetit.
Dhuroni, bëhuni vullnetarë ose bashkëpunoni me ne në projektin e radhës.